....................
هشام سليم
..................
الحب ميعرفش العناد
يعرف سهر يعرف سهاد
يعرف قرب مفيهوش بعاد
بالحب انتا علي استعداد
تخوض تجارب وكمان تحارب
فيه الزعل ملوهش لازمة
زعل الحب حيعمل أزمة
فيه الكرامة فيه الصرامة
الحب يكره الاستعباد
الحب عمره مايبقي اسم
ولا قلبين جوه رسم
الحب روحين جوه جسم
الحب عمره ما كان ظنون
حبيب يهون
الحب حسم
الحب طول عمره اجتهاد
الحب صراحة
الحب راحة
عمره ما كان للمصلحة
المصلحة دي مروَّحة
والحب يفضل ف القلوب
اللي تحب تعشق تدوب
الحب مفيهش يوم غالب
ولا مغلوب
كونك تحب يعني إنك
راح تتوب
الحب الصح مفيهش بَح
الحب نور والدستور
تمشي بيه كل العباد
لأن الحب مفيهوش عناد
هشام سليم
كنج العربي
شاعر الحرافيش
ليست هناك تعليقات:
إرسال تعليق