.................
مجاهد عبدالهادي
.................
***********لو تسمحيلي)
31/8/2022
مجاهد عبدالهادي
من الصور اللي في خيالي
واقف قدام المرايا اتغزل واتمتع في جمالك
لو تسمحيلي يا سمره يا أم الورد الأحمر
يا بهيه يا أم القلب الابيض
يا عاليه في سماكي يا مصر
يا أهلي وناسي هصرخ واقول بحبك
بحبك لو تسمحيلي وارمي نفسي جوه نيلك
ساعة الفجر واتوضى على ضي عيونك
اللي خارج من قناديلك وعلى ترابك
اركع واصلي الفجر حاضر
وادعي لنفسي وادعيلك
تبقي فوق في العلالي انا راكع
مطمئن مش خايف عيونك
يا مصر حرصاني
وطعم الأمن والأمان ملاني
لو تسمحيلي اعيش اللحظة
انا كلي اماني وانتي بتعلي وتعلي
والعالم من حواليكي بيتفرج
على جنه خضره ومباني وكباري
في المدن والصحرا مباني وكباري
وكنايس قصاد الجوامع
وشعبك الاصيل ماشي
في العمار من متر لالف ميل
ليل نهار شغال وعندي ألف دليل
من اول مصر الجديده شايفك
يا مصر سعيده
ومدن القناة والفرح كامل
بقناة السويس الجديده
اللي جنب سينا
ايد جنب أيد شعبك
دهب عمره ما صدا
وطول العمر للعدو يتصدى
وبروحه بيفديكي يا أم الجبين فضه
وصوتك الرنان له كلمه مسموعه
في كل مكان وانا انا الغرقان
في هواكي خيرك يا سلام
مغطي يامصر ومكفي
لو تسمحيلي حبك نساني
الحزن بالفرح
انا الهيمان في حضنك
ساكن وليا كيان
مغرور وعايش لياليكي
وبروحي يا مصر افديكي
ليست هناك تعليقات:
إرسال تعليق