....................
...... حسنى أمين.......
..........................
... ايه الحكاية ليه صوتكم طالع بره
الست بتقولى قال ايه مابصش لغيرها
كشرية ولاوية بوزها وشكلها عره
لازم أمهمزها على طول وأفكرها
تهتم بنفسها وتظبط منظرها
وتبين مشاعرها
حبة نغنشة حبة فرشة الكرتة منعكشه
تسرحها وتغسلها
الموزز المنعشة مفيش اكتر منها
زى الهم ع القلب فى كل ركن وجنب
عاوزة اللى يسايرها
ودى بتنام من العشا على موسيقى شخيرها
لا جوزها فى بالها ولا شاغل تفكيرها
اهم حاجة عيالها وجيرانها ومشاكلها
مع انها جميلة لكن قليلة الحيلة الجهل مبهدلها
ماتجبش اللوم عليها انت اللى هاملها
رامى كل حاجة عليها بصراحة منيلها
من حقها تراعيها وتقعد يسايرها
حسسها بجمالها
فى حاجات ماتجيش بالأمر زى ماتاخد اديلها
حبة اهتمام فاكر من كام عام
كنت متشعبط فى ديلها
لو تطلب اى حاجة تجيب وتديلها
العشرة مش سماجة وتسخر من جمالها
الست محتاجة ماتبصش لغيرها
افتكر حقها ليه بس بتجادلها
اتقى فيها ربها عينك تشوف جمالها
...... حسنى أمين.......
ليست هناك تعليقات:
إرسال تعليق