..................
ياسر عبد الفتاح
...............
معايا جنيه
حكاوي بقت غناوي
وبعدين معاك ......
دا الجنيه ماشي بهواك
.... أحلى المجايب
والكل كمان حابب يصرف
وكإن الصرف صاحبه
........ غايب
كنا نفكه عشرين قطعه
ساغ ونفكه معدن ابيض
واصفر كمان
الصبح سندوتش ياعم محمد
رغيف وعليه كبشة طعميه
من غير عدد يالا ياولد
وياخاله زينب بمعدن عسليه
واسمعي إحنا جيران
....... إتوصي شويه
وأروح لدكان الحج
بالمعدن أجيب قلمين
والأستيكه فوق البيعه هديه
والكرا سه من المدرسه ( رومني )
وعليها النصيحه
مكتوبه بتأني
كان الجنيه له قيمه وسيمه
وبين الخلق احتراماته عظيمه
نروح السوق
وبالجنيه نجيب تسويقه
بدنجان وقوطه وفواكه
وكمان فلفل حريقه
والسمك مشوي وطازه
والامشاط نقليها مقرمشه
ف الطاسه
وأمد إيدي في التسويقه كمان شويه
أطلع بطاطا حمره وعجوه عجميه
آدي الجنيه وحلاوته
بس.......
كل ده كان ..... زماااااااااان
ياعيني علينا وعلى اللي كاااااان
بقلم /ياسر عبد الفتاح
مصر /منيا القمح
ليست هناك تعليقات:
إرسال تعليق