....................
محمود فوده
................
عايز تنساني ما تنساني
انا مش ندمان
مش راجع ليك انا من تاني
وهنساك يا جبان
لو جيت يوم تاني تترجاني
وترد القلب اللي آذاني
صدقني لا يمكن تاني هرجع
بعد الحرمان
ما دام انت مفكر يوم تبعد
وبتوعد قلبي في كم مره
أحسن لك فيها انك تبعد
ولا تسأل عننا بالمره
طول ما انا بتخان
هنساك ولا هسأل عن حبك
ولا هشغل بالي اني بحبك
ولا اعيش مجروح بآلام الروح
ولا قلبي يكون يوم خسران
عايز تنساني وبتنوه على ايه متقول
دوست على حناني وبتشوه حبي على طول
ندمان على قلبي اللي زرعته حب وأشواق
وف عز الليل كنت اكتب لك في غرام يا جميل
ازاى دلوقتى بترسملي في طريقي فراق
وتقول معلش انا مش قادر في ظروف وتخيل
لو كان لك قلب وذاق حبي وحسيت بحناني
كنت أعرف ان اللي بحبه طول عمره تقيل
بتبيع في غرامي**** ! وعايز تنساني
بقى عادي ليه عندك تهدم في كياني
هو انا مش حبك ولا انت اناني
ولا انت لقيت نفسك خاين مش لاقي دليل
إكذب في حياتك كم كذبه علشان انساك
إكذب ولا همك يوم حبي اللي انا عيشته معاك
طول عمرك عايش ولا داري باللي بيجرالي
وان قولت بحبك ما تفكر في اللي بيهواك
من ديوان على قد الشوق
بقلم الشاعر محمود فوده
ليست هناك تعليقات:
إرسال تعليق