ديوان أكاليل الإلكتروني لسفراء القلم

 ..................

صبري رسلان

.................

معليش (342)

..............

بنراضي فى ده

وفى ده وفى ده

ونقول معليش

عايشين على كده

بنساسي القفا

ونراضي الوش

ويوماتي يصادفك

قارش ملحك بتعصبه

معليش ..

ده لا عاجبه تطبطب

ولا تحايل غاوي يشوف

تاني وش ..

كركبه بركان غليان عالنار والزيت

باقي سنه يطش

ده لا طيب نافع

فى مرار طافح قلبه

نضيف من الغش ..

وفى ساعه الجد قادر

ويرد وكله يخاف ويكش

هنعيش بالطيبه ولا

بطوبه زى الدود

في المش ..

حاسب يا أخينا

جاني أتأسف قاللي

خلاص معليش ..

وبلاها مشاكل مين هتدوم له ..

كله مفارق عش ..

له صدقه تدوم له بسيرته الحلوه

وقلبه بشوش ما يشيلش

وحروفها قليله جابره

فى خاطر حارقه شيطان

ما يعيش ..

خليها في بالك خدها تواضع تعلا وقول

معليش ..

بقلم .. صبري رسلان