...............
محمد كمال
..................
وجانا العيدبأفراحه
وقلب سعيد بإقباله
أهلا بالعيد أهلا بالعيد
إفرحوا ياأولاد
إفرحوا غنوا
وبأجمل أيامكوا
إتهنوا
بعد ماصومنا
وقومنا
بعد مادعينا
ونادينا
وسألنا الله الجنه
جانا العيد بأفراحه
أحلى مافى العيد اللمه
الأهل والصحبه الحلوه
أحلى مافى العيد الضحكه
بنقابل بعض بالبسمه
تعالى ياأخويا خد ضمه
وإنتى ياأختى ياحلوه
العيد جانا جانا بالفرحه
حزينه الضحكه مقهوره
ودمعه نازله مكسوره
من قلب فقير مااتهنا
كان نفسه نقابله بالضحكه
ونساعده ينشر الفرحه
وليه قلوبنا بقت جاحده
ولبس العيد لعيالنا
ولعياله يشوفوا الدمعه
ياقلوب مليانه بالخير
ودايما عايشه للغير
وربنا رب كبير
بارك يارب فى عيالنا
بارك يارب فى عيالنا
خرجنا وقولنا نتفسح
لقينا الحزن قدامنا
وبيقولى إفرح وحدك
ورجعت تانى أحزانا
وسألنى فين كممتك
وممنوع أخرج أتفسح
ورجعنا تانى بعيالنا
وقالوا كرونا قدامنا
يا حزن القلب يوم العيد
ومين يحس بأحزانا
خرجنا وقولنا نفرح يوم
أتاري الهم قدامنا
عرفت الظلم فيه كام يوم
ياعيد نسينا أحزانا
غريبه يادنيا وعجيبه
ومفيش فى القلب غير دمعه
غرقت يادنيا فى بحر هموم
وإمتى ننسى أحزانا
فرحت وقولت مستنى
أفرحكوا من قلبى
وزي صفاء مابتغنى
أغنى الغنوه من قلبى
جانا العيد أهوجانا العيد
قالولى طيب إستنا
رايح فين بأولادك
قولت هصلى السنه
وبارك أهلى وأحبابى
لقيت الكل رجعنى
إرجع وإقفل عليك بابك
صحيح الحزن مصاحبنى
حتى فى العيد ملازمنى
أقول إيه أنا لإبنى
متلعبش مع صحابك
ضاعت الفرحه بإديكوا
روحوا الله يجازيكوا
فى يوم العيد جرحتونى
وجرح القلب بإديكوا
ومين يهرب من المكتوب
ولو كان إتكتب الموت
هيموت لونايم على سريره
طيب سيبونا نفرح يوم
بعدماصومنا ٣٠يوم
كتيره علينا الفرحه
كتير علينا نفرح يوم
مفيش فى عيونا غير دمعه
والظالم بكره ليه يوم
نورت ياعيد بقدومك
وصومنا الشهر وقدومك
على قلوبنا ده أجمل عيد
متيجى ننشر البسمه
أصل الناس دي مش فاهمه
الضحكه الحلوه والبسمه
ترجعنا لأفرحنا وأحلامنا
وبكره ننسى أحزانا
وتتبدل بأفراحنا
ياليلة العيد أنستينا
وجددتى الأمل فينا
قدومك نور الدنيا
ورجعت لينا أفراحنا
ويمكن ترجع الضحكه
غابت عنا ليها مده
سهرنا الليله ولانمنا
بنستنى هلال العيد
ومهما رحنا وشرقنا
تفكرنا ليالى العيد
ودعوه خارجه من قلبى
يارب قادر تفرحنى
أنا جبت لأولادى لبس جديد
وترجع تانى أفراحنا
ونفرح بليالى العيد
بقلم محمد كمال
شاعر مصر
ليست هناك تعليقات:
إرسال تعليق