...............
................
مهما نقولوا مش راح يوفيكي
كل الشعراء في حبك هايمه
كل حروفهم قاعده وقايمه
عاوزه تقول رب يخليكي
يا أمي الحرف بيرقص ليكي
لما نجيب سيره معاليكي
ياللي الحرف في حبك مال
نفسه يغني كلام ما انقال
عاوز اسأل يا أمي سؤال
ليه الدنيا بتقسي عليكي
***********
نفسي الحنه تبقي
في ايدك
ياللي عروقي
غذاها وريدك
نفسي اوطي وابوس
علي ايدك
لحد دموعي ماتغزل
عقد يزين جيدك
*************
يا اما عشانك الدنيا تهون
ولا تتهاني يا أمي في يوم
ياما راعيتي
وياما هسكتي
وياما داديتي
وعشان راحتي ماشوفتي النوم
************
اللي يهينك يبقي جبان
ولا يتقلش عليه إنسان
واللي يسيب أمه تتهان
ولا بتسأل يوم إحسان
يبقي ماعاش راجل
في حياته .
واللي ما يدعيلك
في صلاته
راح يموت ناقص إيمان
ليست هناك تعليقات:
إرسال تعليق