................
محمد ابوالحسن
.....................
مهما يقسى الزمان
خليك مع الرحمن
************
ياعم ياللي بتشتكي من
القسية ومن غدر الزمان
وتقول ليه كله جاي عليا
حتى الأهل والخلان
بعد ماكعِّيت كل ما لِيا
وبقيت فقير عدمان
إلكل طلّع لسانه لِيا
وظهرعلى حقيقته وبان
وقفلوا بيبانهم عليا
وبقيت في خبر كان
حتى فى اللقمة مرازية
كأنها صدقة أو إحسان
يا ناس دا كتير عليا
مرارة الوحدة والحرمان
بعد ما كانت إيديا
ممدودة بكل حنان
لكل الناس حواليا
من الأهل والخلان
إيه اللي جري يادنيا
وليه فيكِ العزيز يتهان
وتضيعيه في ثانية
كأنه لاعاش ولاكان
هي دي آخرتك يادنيا
لكني مش ندمان
حقك ياعم عليا
دي الشكوى هي هي
وبنسمعها في كل مكان
ناس زمان كانوا أولِيا
والكرم فيهم إدمان
وانامفيش أبدا في إيديا
شيء بيرجع اللي كان
غير نصيحة مني غالية
إسمعها ولاتكون زعلان
إوعى تندم عاللي فات
ولا تقول ياريته ماكان
واقفل كل الذكريات
إللي تجرك للهوان
وبلاش تعاتب أوتلوم
إنسى والزم السكات
واهرب من شبح الهموم
حب نفسك وعوضها
اللي فات
وانهض تاني وقوم
صدقني هتعمل
معجزات
بس قول ياحي ياقيوم إحفظني من الشتات
محمد ابوالحسن
ليست هناك تعليقات:
إرسال تعليق