...................
ابراهيم رمضان
..................
قصيدة حب عمري للشاعر ابراهيم رمضان
تعالي لملمي فيا الجراح
وألضمي بكره باللي راح
راح تلاقي قلب عاشق
جوه منه شئ مباح
سهم راشق من زمان
حبك انتي يا حبيبتي
لسه ساكن جوه قلبي
لسه عارف انك انتي
بتعشقيني وبعشقك
أيوه عارف
إني خلاص كبرت
وحاجات كتير جوايا شاخت
شعرى شاب وشي كرمش
بس إنتي
لسه عايشه جوه منه
قلبي اللي انكوي
بحبك سنين
لسه عاشقك
لسه حالف
انك انتي تكوني
كل شئ
بالنسبه ليه
يا حبيبتي نفسي اضمك
في الحقيقه
في الخيال
ميهمنيش
نفسي حلمي
جوه حلمك يلتقوا
نفسي عيني تلتقي
وياها عينك
نفسي اقول
من غير خجل
في الحقيقه
في الخيال
وجهة نظر
نفسي اقول
ممكن في يوم
يجمعنا قدر
ليست هناك تعليقات:
إرسال تعليق