...................
اسعد الشرهاني
......................
خليني اصرخ يازمن
خليني اصيحن حيل،،
واعلي من صرختي،،
ضايمني هذا الزمن،
كل يوم تكبر حيرتي،،
خليني اصرخ،
مو حسرتي،
تشعلي نار بصدري،،
ياهو اليطفي حرگتي،
ويهل هلال بعمري،
خليني اصرخ يازمن،
محد درى بحالي،
ماريد عونه التجي
من ايد عذالي،
ماريدهم يجوني،
وبحجة يواسوني،
كلهم شماته يازمن،
للحزن الجرالي،
خليني اصرخ يازمن،
يادنيا مات الضمير،،
ساد الغدر والخداع،
والظلم اصبح امير،،
يازمن خلي ابتسم،
لو مره وحده بعمري،،
مثل الورد شكلي حلو،
بس مبيوگ لوني وعطري،،
يازمن لابد يجي،
يوم ويتعدل الحال،
من الله بس ارتجي،
ادعوني هوالقال،
ماموت مثل النخل،
عذالي يرجع حيلي،،
اثمر وابيعلكم رطب،
يلجنتو نوحي اويلي،
ارجع قوي ارجع اسد،
يتسيد الغابه،،
بنابي ماهزا طرف،
وبذيلي اذل ذيابه،،،
كلمات،،،اسعد الشرهاني
ليست هناك تعليقات:
إرسال تعليق