...................
حياة الملك
................
وثن للريده
***********
خايف تبقى فى دربى
وثن للريده ما أكثر
يطوف قلبى الملان بالشوق
يعبد فيك طول عمرو
ولا يقدر يصل لى جنة الاحلام
ولا فى نار حنينو يعيش
عشان عاشق امل عينيك
وعاشق لونك الاسمر
وخايف من
طيوف الشوق
تشيل احلامى في هجعة
وارحل لى مراسئ هواك
افتش عن صدى الافراح
اصبر قلبى بي دمعه
يتوه وسط الدموع قلبى
تذوب كل الشموع فى الليل
واضارى الاهة والوجعه
اسيبك فى سماء الافراح
وانزل للارض محتار
اعاين ليك بي حسرة
وقت ليل الغلابه يحن
واشرح حالى للسمار
واقول ربدتنا فى الاعماق
غشاها الموت وماتت واقفه
لا حيلا عدم فى دنية العشاق
والا بيمحاهو قمر الليل
ولا طله شمسنا نهار
بخاف المركب الشالتنا بي احساسنا ما ترحع
تتوه داخل بحور الريد
تصارع فى وحوش الهم
بى احزانا ما نرجع
نسابق حتفنا المحتوم
نفنى وللدموع نركع
قبل تغشى القليب غفوة
يتوه فى حلمو يتخيل
قبل ما شتلنا المزروع
جريدو الواهى يتميل
اخير تلحق امانى هواك
تنقذ حبك الاول
تتاتى هواك فى الايدين
تراعى الزهرة فى الحيضان
زمان اللهفة والاشواق زمان الزيف
زمان فيه السراب خداع
ولا بينزل غمامو خريف
وضلو من الوهم رقراق
نهاية دربو شوق وضياع
اخير لك يا زمانى تقيف
حياة الملك
ليست هناك تعليقات:
إرسال تعليق