..................
أحمد الكندودي***المغرب***
................
زجلية تحت عنوان :
م نسيت
م نسيت ذيك ليام زينة ...
ل ف قرية لعوينة م نسيت
جحا زمانو ب مقامو
همام بدراعو ؤ علامو
ؤ شحال من خزيت ؤ خزيت
بل شحال من مرة كنت العلام
سيد الجمع وف تًحدي م يتلام
ؤمَرًاتْ كنت يلسل ، ؤ كثير شكيت
بزعامة قطعنا وديان وجرادي
كرينبوش غدا ؤبلح الدوم عادي
ؤف النزاهة الشطيح والهيت
واحد بقراقبو ؤبركزة شاد الميزان
ها جيل جيلالة ه لمشاهب ه لغيوان
وشحال من غرايب ؤتنكات ؤلكيت
أما عن غميضة ولبي ولعبة الخيالة
الدوامة ؤ التْعليا ؤكَاع النهار ف حالة
ؤعند تسخار، إما التدويرة او السليت
أما في لكورة وخا لحفا مبايسي عارك
رْجَل لابسة ؤ ثانية نعلها حال ضاحك
ؤجامي تخليت او منها شكيت ؤعييت
فاه ي الصبا الزينة رجعي ذكراك
بذرة الطيبين وأهل النية ؤم ننساك
فين تلك ليام ، ل عليها حزنت ؤبكيت
م نسيت ذيك ليام زينة ...
ل ف قرية السبيت م نسيت
***الشاعر والزجال : أحمد الكندودي***المغرب***
ليست هناك تعليقات:
إرسال تعليق