................
أبو حمزة رشوان
...
((بيت الجد))
بيت الجد صبيان وبنات.
ياما جمعنا أهل واخوات.
كنا نبقى زى عيلة.
ابو طاقية وام افلنكات.
...
إللى ينام على رجل خالتة
واللى ياكل فى خزنتة.
كعك بسكر مكانش مولتو.
ب بيت الجد الترفيهات.
...
ع الحيطة نرسم صورة.
والشقى يكسر البنورة.
ومن الشراب نعملو كورة.
والكعاب كات رشاشات.
...
وواحد ياكل بيض محمر.
واخر عايز عيش مقمر.
والنمس ع اللحمة منمر.
ولاكان نت ولاكان شات.
..
إللى يصرخ ويقول هاتي.
واللى طيب زى حالتي.
واللى عايز فول حراتي.
والطماطم ترنشات..
..
استحالة نقبل معارض.
نعض كالفار القارض.
ونجري ع الجد نتمارض.
وايديه كات حضانات.
..
يخاف علينا من الحسد.
وكئنه حتة من الجسد.
الجد كان فعلآ اسد.
تركعله وحوش الغابات..
..
أضرب حسنى واضرب لمبى.
واجري اقوله ياجد ايه ذنبى
قاعد اقولك أقعد جنبى..
خد قرش وجيب حلويات.
.
أجري اغيظ الاولاد.
يضحك ويقول وه عاد.
عملتها يابو الفصاد.
والوجه كله ابتسامات..
...
أضحك سعيد فرحان.
وكائنى من الشجعان.
وفركش فركشنا الكيان.
والرحمة على الاموات..
........
بيت الجد بقلم أبو حمزة رشوان
١
ليست هناك تعليقات:
إرسال تعليق