...............
على عبدالرحيم محمد
................
الحاوي
؛؛؛؛؛؛؛؛؛؛؛؛
الجحور سكناها التعابين
و الجحود شرباهاالشياطين
والطريق مسحور والأمل مقهور
ونبض الاحساس مهجور
وازاي الحاوي هايواجه التعابين
والشوارع والحواري
غرقانه شياطين
وعصاية الحاوي مهزوزه
محرومه وعطشانه
من عطف السنين
واحنا غصب عن ملامحنا ماشين
ولا احنا عارفين
النجمه اللي بيتنور
العتمه طريقها فين
حاوي وغاوي الملم
جروح المحرومين
الجحور سكناها التعابين
و الجحود شرباها الشياطين
يغيب العقل يغيب
بس حس القلب
ابدا ابدا ما بيغيب
غيب ياعقل وشيب
وسيب لي الاحساس
احس واملي بكفوفي للناس
واهد وادغدغ الجحود
واوعد الروح الحنيه تعود
تغسل وجع وحرمان السنين
وازاي الحاوي هايواجه التعابين
والشوارع والحواري
غرقانه شياطين
حاوي وغاوي اطبطب
على وجع المحرومين
يا هرم ميدوم
مش شايف من الغيوم
علمني فهمني احنط ازاي
سوء الحظ والهموم
احنط ازاي الغدر والطمع
احنط ازاي الشر والجشع
احنط ازاي الكسره والوجع
وابني معابد السعاده للطيبين
للمخلصين ازاي ازاي ازاي
وعصاية الحاوي مهزوزه مهزومه
محرومه من حنية وعطف السنين
الجحور سكناها التعابين
الحاوي
على عبدالرحيم محمد
ليست هناك تعليقات:
إرسال تعليق