..........
عبد الكريم خلان
...................
الحَرْف الزَّايغْ
حرفي المْبَلَّدْ طْوال وتْجَبَّدْ
كبر في السْهاد و في الظلام تولد
خرج للضو النهار هز راسو لسما طمع في بنت الضاد
قصدها ودق الباب سمع من وراه جواب مرحبا قال هادو هادو ناس جواد
فرحو به كيف كل العباد كبر شانو و زاد في العناد
دوا وتكلم مع لي نوى معاها الاولاد
جاوباتو بكلام حلو ومقاد قراتو حروف بلا عدد نساتو في كلام الوساد
كلامها مقفي و مطروز فيه شلا معاني
أصلها شريف تحب العبد العفيف معاها في حياتو عمرو ما يعاني
حرفي المبلد تبت وتقاد لبس قياسك
يواتيك بنت الضاد بزاف عليك
بحر عميق ما ينفع معاه تجباد
حرفي المبلد سمع نوصيك حيي واشكر كل الرواد معاهم تكبر وتعرف حروف جداد في حياتك خير زاد
قرا كلام الاسياد وكتب كلام ينفع البلاد والعباد تربح بنت الضاد
عبد الكريم خلان
ليست هناك تعليقات:
إرسال تعليق