..............
سامح توكل ابوالسبح
............
بستان الغرام
=======
قلبى وقلبك متعاهدين
يرووا سنين الحب حنين
كنا بنتلاقى ونتواعد
نبدر ورد على الشطين
طرح الورد وهل عبيره
فتح زهره على الخدين
فرح الكون والشمس اتوضت
نورها غرام باين فى العين
والنسمه الهامسه حيرانه
بتهفهف جوه القلبين
والقمر السهران ويانا
غنى غناوى للعاشقين
والنجمه الطايره فى سمانا
حضنت روحنا على الجناحين
طل الفجر وقال مواله
دندن لحن ياليل ياعين
شقشق نور الصبح وسلم
ع الأزهار طرحت بساتين
روحى وروحك ساكنين جنه
وعرش القلب عليه ملكين
قلبى بسحر غرامك غنى
والألحان طرحت ياسمين
========
بقلمى سامح توكل ابوالسبح
ليست هناك تعليقات:
إرسال تعليق