...............
سعيد السكران
Said Elskran
.............
شيخ بقبة...
..................
سألني مرة حد شافني
وقال ليه للفرح كاره
ومش عارف تعيش حياتك
فقلت بتمنى ونفسي
بس طلبت منه
يقول قبله
ازاى تسيب خطوط الحزن كفي
ورغم أني عمري ماكنت
فى يوم حاببها
أو لمرة فيها ماسك
بس حظي مش فى صفي
وألمى فاهم أنى كعبة
أو قليله مقام لشيخ بقبة
وفى رحابي هو متصوف
وعابد وناسك
واى فرح بسيط يصيبني
يشوفه هو لشخصه سبه
حتى لو يوم كلام عجبني
وقولت أضحك...
يقول عليا
أن مس ألجن صابني
أو أني...
مجذوب مارق وفاسق
ونذور الهموم لأجلي جمعها
لما صرت خلاص قتيلها
ولأخر الأنفاس صريعها
وبأخلاص وبكل تقوى
بادية لي كامل ورعها...
لما خلاص صابتني تخمة
شبعها
فأنت قولى ازاى أعيشها
وعمر ما عين الحياة شافتني
وأقصى حلم العمر لي
مش جواها تشيلني
يكفي حتي تخف عني
شئ من الحزن اللى
كل جوايا عايش
ومن حولي كل الوقت
بكل عيونه...
محاصرني...
بقلم ....
سعيد السكران
Said Elskran
ليست هناك تعليقات:
إرسال تعليق