..............
رمضان عبدالله أحمد
.............
ماترديش
-----------------
مش عارف اصلا من حبك
فى شوية..........ولا مافيش
وحياتي عندك لو كنت غالي
حقيقى متسألنيش
ولو سألتك انتي برضو
عن الباقى ماترديش
سيبني عايش كده باحلم
وياريتك ماتصحنيش
ولو حلمي يعني
عليك طال ماتقلقيش
دورت عليكي وتعبت
ياما وانتي مادورتيش
كنتي تنامي وقلبي يسهر
يفكر لكنك ماحستيش
تعبت كتير فى ان ارضيكي
ودا كمان ماشفعليش
كتبت كل حروفي فيكي
بس خسارة مقرتيش
ممكن يعني تكوني قريتي
وبالتأكيد ماتأثرتيش
ماهو لو قلبك بيا اتأثر
كان زمانك ماهجرتيش
حبك كان النور لقلبي
وكنت ف ضيه أنا باعيش
ليه طفيتي نورك بقلبي
ليه في حبك ماسبتنيش
بكره انا من تعبي انام
وانتي يمكن ماتناميش
---------------
بقلمي / رمضان عبدالله أحمد
ليست هناك تعليقات:
إرسال تعليق