..............
رمضان عبدالله أحمد
................
هبعت روحي
--------------------
هو قلبك مش كان دليلك؟
وطيفى مش كان بيجيلك؟
ايه بقى خلاك تهجرني؟
وتطفى ف ليلي قناديلك!!!!!!
مش كان هوانا حياة ؟
مش قربنا كنا بنهواه؟
طب ليه تبعد وتنساني ؟
وانا اللى دايما اناديلك!!!!!!
مش كنت بتفرح بلقانا ؟
وروحك بتطير في هوانا ؟
وبترقص على لحن غنانا؟
ايه اللى نسًاك مواويلك!!!!!!
مش احنا يوم اتواعدنا ؟؟
مانسمحش ابدا بفراقنا؟
وابدا ماتزورنا اوجاعنا ؟
ليه دمعك يملا مناديلك !!!!
مش كان بيغنيلنا القمر ؟
مش كنا عشاق للسمر ؟
لو كنت نسيت السهر !!!
روح للقمر يحكيلك. !!!!
مش قادر انسى ايامك
ولا حتى نبضه ف غرامك
ولاهمسه حتى فى كلامك
انا هابعت روحي تشكيلك
---------------
بقلمي /رمضان عبدالله أحمد
ليست هناك تعليقات:
إرسال تعليق