....................
هشام سليم
.....................
بيني وبينك قصة
عاملة ف القلب غُصة
وجرح ف المشاعر
بينزف دمه لسه
قلبي دق ليكي
وبقيتي كل حياتي
بعمري وروحي أفديكي
كلمة بحبك منك
اكسير حياة اكمنك
معروفة بالغرور
قلتيلي كلامهم زور
غرقانة ف بحر حبك
ومنايا أفوز بقلبك
عشت معاكي الحياة
وكإنك طوق نجاة
وقلت إن إنتي شريكة
لطريقي لمنتهاه
أتاريها مسرحية
م الست المستحية
ليكي مليون تحية
وجايزة ف التمثيل
خنتي الحب الجميل
وفارقتي بدون دليل
وكان غويط الجرح
ماطلبتش منك شرح
خدتي أرق عواطف
وعيشتيني عواصف
ولمأساتي واصف
وبقيت لقلبي ناصف
وقررت النسيان
مع ألمي حبك هان
زي ماهنت عليكي
وحبي حيبقي كابوس
ف عز النوم يناديكي
حبيبك اللي حبك
ف خيالك اهوه يعاديكي
ندمانة واديكي حاسة
وآدي نهاية القصة
عملت ف القلب غصة
وجرح البعد بينّا
لسه بينزف لسه
هشام سليم
شاعر الحرافيش
ليست هناك تعليقات:
إرسال تعليق