.................
ايمن عزالدين سكورى
..............
••••••••••••••• ( لؤلؤة عايمة ) •••••••••••••
كل عام وأهل اسكندرية بخير بمناسبة العيد القومى لتلك المدينة الساحرة والذى يتوافق ٢٦ / ٧ ؛ ومن هنا تغنيت بهذا العمل الأدبى ••
( لؤلؤة عايمة )
يااسكندرية ياصبية
آه ياعروسة متحنية
تحلا الضحكة على شطك
والحب كله ف دفى حضنك
يانسمة هايمة • يالؤلؤة عايمة
تحت الشمس الدهبية
~~~~~~~~~~~~~~~
يامينا من أجمل مينا
سحرانا شواطيك الزرقا
ومن كتر جمالك يامدينة
دوبتى قلوبنا العاشقة
ياساحرة القلوب
قلوبنا بالفرحة
بتستنى الغروب
يانسمة هايمة • يالؤلؤة عايمة
تحت الشمس الدهبية
~~~~~~~~~~~~~~~~~
ميلنا هواكى الدافى
وصيف لياليك الساحر
يانغمة فى القلب الصافى
صداها للعشاق ساهر
ويا محلا السهر
بين الجناين
على ضوء القمر
يانسمة هايمة • يالؤلؤة عايمة
تحت الشمس الدهبية
~~~~~~~~~~~~~~~~~
وفى الشتا الحلو النادى
بتلبسى أحسن توبك
ياوحى للطير الشادى
وهو بيميل بغصونك
متنسم حرية
بين عبيرك
ونشوة الصبحية
يانسمة هايمة • يالؤلؤة عايمة
تحت الشمس الدهبية
~~~~~~~~~~~~~~~~~
الأديب والشاعر
والمحرر الصحفى
ايمن عزالدين سكورى
من ديوان
( خميلة الوادى )
ليست هناك تعليقات:
إرسال تعليق