....................
وحيد محروس
.................
((ببص لروحي ))
أغنية شعبية
ببص لروحي
لاقيتني واحد تاني
وكأني معرفتوش
وزادت جروحي
حتى إللي مني باعوني
ولا رحموش
على إسمي ياما إتريقوا
وضحكوا عليا
وكسمي ورسمي
و دي خلقة ربنا وأنا
إيه بإيديا
مفيش حاجة في دنيتي
على هوايا
والكل قارش ملحتي
وحظي هم وآسى
ومولود معايا
طيبتي كانت أول عيب
وحنيتي نقطة ضعفي
مالقيتش مرة لجرحي طبيب
والكل إتنطط على كتفي
كنت بشوف الشماتة
في عنيهم
مع إني كنت بعمري
شاريهم
جرحوني بزيادة الله
يجازيهم
زي مايكون دين عليا
وبوفي
الدنيا دارت ولفت بيا
وعيون الناس زادتها
آسية
وماليش في الفهلوة
والملاغية
ودمعي نازل على
كفي
آدي الدنيا وآدي
العيشة
ما بتديش لغير
الهبيشة
ورصوا حجرين
ع الشيشة
ولعبوا قمار يابا
على حظي
ببص لروحي
بقلمي الشاعر/ وحيد محروس
ليست هناك تعليقات:
إرسال تعليق