...................
؛ نذير دهان
....................
(شوية حكي)
^^^^^^^^^^^^^^^^^^^
*****************
سألوني كيف الأوضاع
وأنت بهالغربه
قلتلن أنا قلبي ضاع
بهالغربه يللي كربه
طباعي غير الطباع
وكإني محاصر بضباع
وروحي بتقللي أرجاع
الف قلبه ولاغلبه
^^^^^^^^^^^^^^^^^^
لما وليفي راح
روحي معو راحت
لما رجعلي صاح
قلبي،،، معك صابت
ما ضل فيني جراح
وحزني صار أفراح
وطل أحلى صباح
عزولي حزن وصاح
سهام الحسد خابت
^^^^^^^^^^^^^^^^
حبيبي شبه القمر
وفوق بالسما عالي
بضيو يحلا السهر
والكون بيلالي
ومادامو عني بعيد
دق قلبي يعلا،،،يزيد
ويلي على حالي
^^^^^^^^^^^^^^^^^
صادت قلبي من عيونا
رمت الخرطوش
هبيت قصدي ابعدها
قال قلبي حوش
خليك حكيم هاودها
قللا أهلين
حبك تتو على صفحة
قلبا منقوش
^^^^^^^^^^^^^^^^^^^
كان بسيط وكتير مدروش
يحب الناس ويحبوه
مده،،،وإلا اتنشنش وعرش
وبالأكابر صار يتدحوش
شوالحكايه؟؟والأسباب
قالوا،،،،أغتنى
وجيبو خشخش
ضرب أمو،،وسب أبوه
مين يوافقني،،، نقلو تفو
كان بني آدم
رففس وجححش
^^^^^^^^^^^^^^^^
شعر ؛ نذير دهان
ليست هناك تعليقات:
إرسال تعليق