..................
نذير دهان
.............
(هيك حال الدنيا)
*******************
هاتلك شحطه واللا شمه
من هالكيف
خليني أنسى ألهم الارسى
بقلبي سيف
الفين آه ومليون ياخساره
بتسألني شلون؟؟!
افتاح أدنيك
ورح بحكيلك ع أيام عزي
اللي راحت آه ياحيف
*********************
كنت لو أمشي الناس
توقفلي ع الصفين
الكل يترجا معي يتصور
يتمنى يقللي يامرحبتين
حتى جارتنا لما تشوفني
تضحكلي تقللي خزيت العين
آه يا حبيبي اش بتمنى اتشرفنا
شي مره ضيف
***********************
واليوم أفلست واللي يشوفني
يتعاوذ مني قوام يندار
ولو أقلو شلونك كيف أحوالك
طمن قلبي قللي ياجار
يقلب وشو ويمشي بدربو
بقلبو يقللي ياستار
يلعن شكلك نزعت صباحي
زعجني سلامك نزع الكيف
*********************
وهيك الدنيا تلف وتدور
بهالناس من فوق لتحت
امبارح شفتولجاري الكان
دوم يمدحني يقول اتشرفت
فيك ياجار
مر من جنبي تمتم سمعتو
يقول لحالو
شوهالزلمه لسه مامات؟؟!
هيك ياغالي ؟؟!يلعن يوم
الفيه عرفتك يابو اصطيف
********************
شعر ؛ نذير دهان
ليست هناك تعليقات:
إرسال تعليق