....................
حياة الملك سعيد
................
صوت الساقيه
ةةةةةةةةةةةة
صوت الساقيه وموية الجدول
ولون الناس الكانو معانا
بين اترابنا وناس حلتنا وحب الناس الكان جوانا
كل تمراتنا و سواقينا وموية نيلنا الفيها صفانا
داك ود ابرق و القمريه تغنى تنادى الكان بهوانا
نجرى ونلعب شدة وحجله فى نور القمر الضمانا
نمشى الخلوة ونقرء بقوة صوت الشيخ بيدخل جوانا
ويسكن ريدنا جوة مسيدنا حاج الماحى اسباب ريدنا
صوت الطار
ليه نبارى ونزيد فى هوانا
ومع النوبه واللالوبه حول الصارى تطرب دارنا
ويوم المولد اجمل زفة وذكر صادح يبقى خيارنا
ديل اهلنا السافرو و القبلنا
عاشو اصاله زى ما كنا
كل ظروف الزمن الغابر بيه نكابد لا جافينا ولا اتغيرنا
نحن اصاله
يوم الحارة نعز الجارة ما ديل نحنا
نصون كرامة الزول اللينا
وحق الجار الحقه علينا
ولا بنخاف ولا بنركع الصدق شعارنا
وصوت الساقيه وموية الجدول ولون الناس الكانو معانا
لمن يصفو الدهر فى لحظه وكل الحب يصبح دنيانا
ونزرع كل العمر مودة ونتحدى صعابه وما همانا
ونشتل فى جوانا مشاعر مرويه محنه وود بدمانا
اجمل نغمات صوت الساقيه وموية الجدول وكل الحب جوانا
نشيله محنه كل عمرنا وندى نوزع للحبانا
حياة الملك سعيد
ةةةةةةةةة
ليست هناك تعليقات:
إرسال تعليق