.......................
فضل عبد الرحمن
.......................
= حتة جبن وبتوتين =
مش هنرجع مية سنه
ده يادوب خمسين سنه
والزمان راح بينا فين
فينك يا امي
خالتي نورة وخالتي شهد
وخالتي فضه وخالتي نعمه
ما هو كل البلد كانت خلاتي
فين لما كانبو بيطبخوا بمية طلمبة
والطبيخ كان على الكنون
بس كان ليه طعم تاني
فاكرك يا ما ومش ناسيكي
وفاكر كل لحظة حلوه
وفاكر خالتي فضه ونعمه
وخاله صابره وخاله نعسه
ماهو كل البلد كانت خلاتي
الحياة كانت حلوه وبسيطه
والادب كان شئ اساسي
ولما كنتي يا غاليه تجمعينا
حوليكي في السهرة ليلاتي
والى اللمبه نمرة عشرة
نورها يسعد القلب الحزين
وكنتي تكحي حكاوي حلوه
وكمان حكاوي خاله نعيمه
كانت حلوة حلاوة السنين
ولما كنا الصبح بدري
نطلع على الارض الحبيبة
ناخد البقرة والجموسة
ايوه البقرة والجموسه
ما هما كانوا خير زمان
ويادوب حتة جبن وبتوتين
روح يا واد شوف فجليتين
او حتى بصلة خضرة
دي الارض مليانه خير
ولما كان ابويا ليلاتي
روح يا واد نادي لعمك
عمك على وعمك حسين
ما هو كل البلد كانت عمامي
ولا صوت الراديوا اللي كان
صوته احلى من الكمان
والمسلسل والبرامج
وكل يوم خميس في اول شهر
كانت الست تجلجل
امل حياتى وانت عمري وفات المعاد
هو بجد فات الميعاد ؟
ـــــــــــــــ
بقلمي / الأديب الشاعر فضل عبد الرحمن
ليست هناك تعليقات:
إرسال تعليق