....................
هشام سليم
.................
مش حمتنع
حفضل طول عمري مقتنع
اكتب ف السهل الممتنع
ارسم صورة للقهرة
هدفي مشاعر الفقرا
اجيب م الشمخ الجواني
عن حاجات وتعباني
عن عصابة وسرقاني
عن مجني عليه وهوه الجاني
عن هم وغم ياناس جاني
عن حرافيش
ولقمة حاف مبتكفيش
عن ألاضيش
واكلينها والعة
ريحتهم طالعة
مهما بياخدوا مبيدونيش
شعرك دوا ومبيشفيش
شعرك نكدي مفرحنيش
وإيه اللي يفرح
مهو كله يجرح
قلبي اتعلّم
عن آلامك أتكلم
ياريت نتعلم نتإلم
نقول الآهة بصوت عالي
والصوت العالي يحلالي
طير وطيره ف علالي
مكسور جناح
نفسه ف سماح
يستمع
لواحد زيي مقتنع
يكتب ف السهل الممتنع
هشام سليم
شاعر الحرافيش
ليست هناك تعليقات:
إرسال تعليق