...................
اشرف الشناوى
..................
..........بالحب نعيش ........
حب الدنيا وحب الناس
حب تلاقى فى قلبك نور
واوعى تعيش ابدا فى الضلمه
واوعى تسيب احزانك سور
سيب الحب يشد ملامحك
يملا جوارحك هايطيب جرحك
وتعيش فرحك لو عصفور
حب الدنيا وحب الناس
خلى طريقك كله امانى
حتى ان كان العمر ثوانى
عيش الفرحه فى ارض البور
واوعى الروح الضلمه تاخدها
او تتحكم فيك اوجاعك
عيش الدنيا بكل مافيها
واخطف حلمك لو بدراعك
واخطف ضحكه لقلبك وامشى
حتى ان خان الكل وباعك
حب الدنيا وحب الناس
لم الشوك وارمى الياسمين
بكره اكيد الصبح يلين
وهايفتح لينا البساتين
والفجر يردد غناوينا
ويدق بايده فى امانينا
ويسلم مركبنا لمينا
والحلم يسلم ويجينا
ونعيش من تانى فى افراحنا
ونسامح كل اللى جرحنا
لو حتى غريب
وندوب ونطير
وسط العصافير
من غير ماعذول
يوم يلمحنا
بالحب نكمل مشوارنا
ونعيش الباقى
فى اعمارنا
من غير مالحزن
يخسرنا
ولا قلب حبيب .............
اشرف الشناوى
شاعر عاميه
البرامون
المنصوره
ليست هناك تعليقات:
إرسال تعليق