ديوان أكاليل الإلكتروني لسفراء القلم

 ..................

جمعه الجر

.....................

..صرخة أمل..

نفسى فى صرخة حق بجد..

تزلزل أى كيان ووجود...

تقول لكل بلاد الدنيا..

لسه العدل مازال موجود..

لسه الدم اللى بيربطنا..

قادر يكسر أى سدود...

لسه النيل اللى بيروينا..

نبع بيدى مالهش حدود...

نفسى أقول للعالم كلمه..

أن الظلم لابد يزول...

وأن الخير فى قلوبنا ما يخلص..

طول ما الحق دايم على طول...

واللى يقدم شر هيلقى..

الشر مقابله عرض وطول...

اصل الشر مجرد كلمه..

ام الخير ليه أساس وأصول...

نفسى الأمن يعم بلادنا..

وننهى كل حروبنا كمان...

نفسى بحور الدم تجف..

فى فلسطين وجنوب لبنان...

نفسى الطفل يخضر عوده..

يكبر آمن فى الأوطان...

نفسى الحب دا يملا قلوبنا..

يبقى لغاتنا فى كل مكان...

نفسى فى كلمه اخيره أقولها..

بعد الفرقه مادخلت بيتنا...

واتشتتنا فى كل حياتنا..

والاغراب حكمت فى بيوتنا...

نفسى نلم الشمل فى مره..

نفسى حصار الخوف يفارقنا...

نفسى يكون فى قلوبنا عزيمه..

تعمر كل مكان فى بلادنا...

جمعه الجر