...................
((منى شحاتة))
..................
((محتاجه مشورة ))
بقلمي ((منى شحاتة))
جمهورية مصر العربية
أنا محتاجة منكم مشورة
بصوا بقى ياجماعه الحكاية م البداية
هاقولكم وأحكموا
وشوروا عليا في النهاية
اسمعوا وركزوا معايا
أولها لما جه خبط عليا الباب
جريت افتح لاقيت عقلي بيناديني
بيقولي أوعي تفتحي
سألته : ليه ؟
قالي : أصلك هتتجرحي
أنتِ نسيتي ولا إيه
قالي : حاسبي أقفلي الباب ده خالص
أوعي يوم تفتحيه
أنا الصراحه خوفت
قلت : حاضر ورجعت دخلت
بصيت لاقيت
قلبي بيقولي : افتحي له وماتخافيش خليني شوية أعيش
ياخبر !
سمعه عقلي وصرخ فيا وفيه
وقالي : أنتِ أيه !
مابتتعبيش
ومابتحرميش
اسمعي كلامي
وأدخلي
وأقفلي
وماتفتحيش
وبص لقلبي وقاله : أنت خلاص نسيت أوام !
نسيت اللي جرى واللي كان
نسيت خلاص أيام زمان !
كفاية تهور وأستهتار
ليه عايزها تاني تنهار
وتعيش تاني في حيرة ونار
ما انت لوكنت قوي
كنت سبتك تكمل معاها المشوار
لكن ضعيف
ليه تعذبها تاني معاك
وارجع تاني اطبطب عليك
وأحاول أداويك
بص بقى
المرة دي لاهاينفع تاني طبطبه
ولا دوا
وساعتها مهما عليا تنادي
مش هارد تاني عليك
لأني حذرتك
وأنت روحتله تاني برجليك
قولي بقى أعمل ايه أنا فيك !
سألتني عن الحب كتير
وجاوبتك
وكل إجاباتي بالتفسير
إيه ؟
كل يوم هانعيد ونزيد
قولتلك : الحب ده مالوش أساس
يتبني في الهوا بس
بالكلام وخلاص
تسمعه يعجبك
وعود
وعهود
بينكتب في ورق الكراس
والحبر بيكون للأسف
بالرصاص
بأستيكة يتمحي
وينتهي ياحلو بكده خلاص
وبعدها للأسف تنكسر وتنداس
لأنك كنت عنده زي المصاص
بعد ماداق طعمك شبع وبكده خلاص
هو ده اللي حصل
وأنا واقفة بين الاتنين
محتارة أوافق فيهم مين
عقلي ولا قلبي
قوليلي أعمل إيه
بيني وبينكم
بس ده سر هاقولهلكم
أنا مياله لقلبي
لكن للأسف أنا عرفاه
خايب أوي وضعيف مابيستحملش
والمرة دي فيها موته
عايزه أبعد ولاقربش
عشان ماندمش
إني فتحت في يوم الباب
ليست هناك تعليقات:
إرسال تعليق