.................
السيد علي القن
..................
(( حكايتي مع المعاش )))
و خايف ليه ما تتكلم
وآيه يعني طلعت معاش
لهو أنت ياسيدي ماتدراش
خلاص استغنوا بقي عنك
و راتبك أختفي ومفيش
وضعت ف طبقة التهميش
وفاضل ايه منه تعيش
هتتعلاج يا سيدي بلاش
و تدخل قهوة المعاشات
وتقف ف طابور العيش
وتمشي تطلب الاحسان
وتنسي انك تعيش إنسان
وتنسي انك صحيح فنان
تكمل عمرك الباقي
ما بين القاعده ع القهوه
وبين سيرة فلان و فلان
و تتحصر ع اللي كان
و تندب حظك التعبان
و خايف ليه تموت عيان
ونفسك لو تموت ف أمان
كفايه انك عايش متهان
ودي آخرتها ف المعاشات
ويوم ورا يوم ف انتكاسات
تعد انفاسك الباقيه بالساعات
وتسأل في النهار نفسك
عن الدنيا و الباقي م الزفرات
و تسألها عن اللي فات
وترجع تاني فتلملم بقايا فتات
وتترحم ع الاحياء و الاموات
وتسأل ربنا الستر و الصحه
بحق طه و محمد و الزاريات
و حسن الخاتمه ب الذات
وتبقي دي حكاية المعاشات
كلمات الاديب الشاعر/السيد علي القن
ليست هناك تعليقات:
إرسال تعليق