....................
يوسف الدباك جعجع / لبنان
.....................
بمناسبة انتخاب نيلسون مانديلا في ٩/ ٥/ ١٩٩٤ وإلغاء التمييز العنصري فيها ،علما ان مانديلا كان شديد التأثر بالمهاتما غاندي على حد ما جاء بمقال المفكر والعلامة الكبير الاستاذ نعمان جبور٠٠٠
نيلسون يا بن مانديلا المثالي
يا اسم العا قلوب الكل غالي
بعين البيض وجك كان اسود
وأبيض كان بعيون العدالي
يا قائد حر عالواقع تمرد
وحرر موطنو بتكتيك عالي
الك درب الفكر والسلم عبد
غاندي الحملك اشرف رسالي
لما خصمك بسجن المأبد
حطك تا تجنى عالعدالي
سجين بقيت بالظرف المعقد
متل حواجب عيون الليالي
ولما الوضع عاد الحكم جمد
طلعت من الحبس متل الغزالي
محيت الليل من عتمو الملبد
حتى صرت بين الناس هالي
ولم حررت يا مناضل استأسد
بلادك من اللي سرقوا اللآلي
مش بالمدفع ولا بسيف أجرد
بزنبقة اللي فاحت بالحقالي
استأصلت الفساد اللي تمدد
فيها متل جرزون الدوالي
وترأستها وفكرك تقصد
ترفعها على براج المعالي
تا صارت بالأعالي متل فرقد
بفضل الكان عبد وصار والي
و تا صارت كاملة بلادك تأكد
انت كلمتها بكامل كمالك
وكمالك كاملو كمل كمالي
المحامي د٠ يوسف الدباك جعجع / لبنان
ليست هناك تعليقات:
إرسال تعليق