.....................
المحجوب بوسبولة
........................
////////+++ياحروفي+++////////
عانقتك ياحروفي بالشوق
انسطرك ف سطور ضاوية
ونخليك لكل الناس ذوق
انقاطك بلى شواري داوية
بيها بالي ملكني داني
منها تعلمت اسرار لكلام
ف نعاسي وتفك لمعاني
امدخلاني ف عالم لحلام
مرة في عالم الجدبة
مرة نتغير في لحوال
مرة ننسج نغزل محبة
مرة عايش عالم لهبال
مرة نتبورد بلى خيل
مرة مفرش حروفي احرير
ياك مرة مكلمة القول والقيل
نتوسدك تخوي لي المزود
نرضع من ثديك كل حديث
ف خيالي نعاشرك نتزود
ونقول لصحبة هانا هنيت
بقلم صقر الحروف الزجال المحجوب بوسبولة
ليست هناك تعليقات:
إرسال تعليق