....................
السيد علي القن
.....................
مشوار نغم
((( الفصل الثالث عشر )))
وكان قد تبقي علي موعد سفر
آسر الي أمريكا أسبوع فأراد آسر
أن يلتقي بنغم وان يتحدث اليها
وان يشرح لها ماحدث معه وكيف
مرت الاحداث سريعا لكنه ما أن حاول الاتصال لها حتي تفاجأ بأصدقاءه كريم ومهاب يأتون اليه
حين علموا بأنه سوف يسافر ألي
أمريكا وارادو ان يخرجوا معه ليقضوا وقتا ترفيهيا معه و كذلك
ليستمتعوا بالحديث معا
لكن آسر بدا عليه الانشغال ولاحظ كريم ذلك فسأله مابك ياآسر
قال آسر لا شئ ولكني لا أعرف لماذا أختاروني انا بالذات للسفر الي امريكا لاكمال الدراسه هناك
قال مهاب انت تعلم انه بروتوكول معمول به في الكليه فعادة الطلبه الاوائل ترشحمهم الجامعه لاكمال دراستهم هناك
قال كريم ياعم ومالك زعلان كده
حد يطول يروح امريكا
ياعم أحمد ربنا
دي فرصه وجات لك
ولا في حاجه تمنع من السفر
مهاب انا متهأي لي انه الموضوع القديم
فاكر ياكريم دي إكيد حكايته مع نغم . كده ولا لا
آسر أنا شاكك ان في حد متفق عليا كأن الرحله دي مقصوده
كريم ياعم سافر أنت بس هيا هتروح فين هيه كده ولا كده زيك
في نفس الكليه ولسه قدامها سنين لما تخلص وياعالم ولو بتحبك هتستناك هيه
آسر أنتوا شايفين كده
كريم ومهاب أيوه طبعا مسقبلك دلوقت أهم وبعدين كفايه انك رايح أمريكا ياعم
ودار الحديث وبدا الاصحاب الثلاثه يتجاذبون الحديث وقضوا وقت طويلا معا عاد بعده آسر الي البيت ومازال في ذهنه مادار بينه وبين اصدقائه ومع ذلك اراد ان يتحدث الي نغم في الهاتف ليشرح لها ما حدث من موضوع البعثه
وحين اختلي بنفسه قليلا امسك بالهاتف وطلب نغم لكن الرقم كان غير متاح فاعاد طلبه مرة أخري فأعطاه غير متاح حتي دخلت عليه أمه فسألته كيف حالك يا آسر ؟
قال آسر الحمد لله ياماما
قالت أراك مضطربا لماذا ؟ هل هناك شئ تخيه عني ؟ لا لا ياماما
اذن ماذا هناك اليوم كله بالخارج
وخالك يريد ان يجلس معك ويتحدث اليك
معلهش يا ماما غدا سوف آراه
وأعرف ماذا يريد الا يجب ان تزور خالتك و تسلم عليها انها تسالني عنك ولم يتبقي سوي أيام قليله
آسر حاضر ياماما ان شاء الله بكره
ساذهب اليها. طب أعمل حسابك
انها عازماك ع الغداء
حاضر ياماما
ماشي ياآسر تصبح علي خير
وانت من اهله
وخرجت ماهيتاب هانم واغلقت الباب خلفها فأمسك آسر الهاتف
مره أخري وعاود الاتصال بها لكنه
كان أيضا غير متاح فكر آسر قليلا
وقال يجب أن اري نغم بأي شكل قبل أن أسافر وأن أشرح ماحدث معي لها. نام آسر وهو عاقد العزم علي ان يفعل ذلك.
ولكنه أستيقظ من النوم في العاشرة صباحا علي صوت أمه
آسر آسر
نعم ياماما
أنت لسه نايم أنت ناسي ميعادك مع خالتوا انت عايز تحرجني يالله جهز نفسك عشان نروح لها
طيب ياماما لسه بدري
و نهض آسر من فراش وأمسك الهاتف وكان رقم نغم مازال بسجل الاتصال فعاود الاتصال واذا بالهاتف يرن تن تن تن
آسر ألو
نغم ألو أهلا آسر
كيف حالك
آسر الحمد. كيف حالك أنت
بخير الحمد لله
آسر اريد أن اتحدث اليك
نغم أتفضل
آسر مش هينفع في التليفون
نغم خير في أيه ؟
آسر مش عارف أقولك آيه
بس الموضوع صعب شويه
نغم قصدك موضوع سفرك لامريكا
آسر عرفت منين
نغم ودي حاجه تستخبي
الكليه كلها عارفه وانا كنت هناك امس وقرأت اسمك
آسر غصب عني حاولت أرفض
معرفتش ماما وبابا وخالوا كلهم رأي واحد وهمه اللي صغطوا عليا وهمه اللي جهزوا كل حاجه وانا بحاول اكلمك عشان أفهمك
نغم هاتقول ايه كله حاجه واضحه
وبعدين ده مستقبلك وانت حر فيه
آسر انت مستقبلي وعمري
انت يانغم كل حاجع ليا
نغم الوقت أتأخر ع الكلام ده.
لازم يادكتور تجهز نفسك عشان تسافر وما تشغلش نفسك بيا
آسر معقول بعد مالقيتك وعرفت أني حبيتك أسافر واسيبك
نغم ايوه لازم تسافر.
أنا كمان
آسر انت كمان آيه
نغم أنا كمان حبيتك واستنيت كتير عشان اسمع الكلمه دي
بس خلاص الوقت فات
آسر لا مافاتش أنا هأقول لبابا وماما أني مش هسافر واللي يحصل يحصل
نغم أوعي تعمل كده أنت لازم تسافر وتعمل لهم اللي همه عايزينه
لازم يآسر
وهنا دق الباب
أشجان آسر بسرعه شويه ماما مستنياك تحت في الهول
نغم مع السلامه ياآسر
مع السلامه
آسر مع السلامه
وأغلقت نغم الهاتف والدموع تسيل
علي خديها الناعمين
و بدأ الحزن يعرف طريقه الي قلب
نغم
و بدأ آسر يفكر كيف يواجه أمه وهل سيتطيع ذلك أم انه لن يقدر علي المواجهه
وهبط آسر الدرج وجاءه صوت أمه أيه أتاخرت كده ليه يالله بينا
قال آسر حاضر ياماما
الام شكلك متغير مالك انت مانمتش ولا ايه ؟
لا ياماما نمت. بس مجهد وتعبان شويه ماكنتش حابب اني أسافر
الام الكلام ده ماسمعوش تاني
دي فرصه ما حدش يحلم بيها
ولا انت ليك رأي تاني أوعي تقول تاني الكلام ده قدام بابا او خالوا
انت مسافر بعد يومين خلاص
وبكره تعرف ان ده أفضل حاجه ليك . وانا عايزاك تركز في دراستك وتتفوق علي كل الطلبه هناك
بقلم الاديب الشاعر /
السيد علي القن
ليست هناك تعليقات:
إرسال تعليق