.................
وحيد على الجمال
.................
وايه يعني
وايه يعني كرونا
تفط فى عروقنا
وتاخد منا أحسنا
واطهرنا واعلمنا
واقربنا من الرحمات
ألاف منا ومتعدش
راحوا هناك ودي مش شكوي
حاشا وكلا ولا بنعارض
قضاء الله
دا بس قراءه للمشهد
لعل نلاقي
فى المشهد حلول تكتبنا
في الرحمات
ورغم أنه بيطور ويتعدل
وبيغير في أسلوبه
ويعمل فيها بهلونات
ونتعقم ونتكمم وتبقي
كل أيامنا بنتنقل على
الأزمات
تباعدنا ومضطرين
شويه وترجع الدنيا
كما كانت
يطور نفسه ويعاند
نزود فوق مسافتنا
مسافه كمان
نشدد في تباعدنا
ونعمل حظر فى بيوتنا
فيوحشنا تقاربنا
فيرجع تاني يحصدنا
ويجي الحزن
ويعشش علي عنينا
لي وحدك داوي في جراحك مافيش واحد هيجي يشد ويطبطب على جراحك
تباعدنا خلاص
وبعنا كل عادتنا
بقينا في وسط اخوتنا
كما الاغراب
زهقنا من كمامتنا
ولا فارق معانا وجودها
ورحت الموت بقت سكنا
على بيوتنا
بيبقي معانا ويسبنا
قريب منا وايه يعني
ولا فارق معانا كتير
لسه الكدب مسموح له
يكون سنة تعاملنا
لسه الغش مابينا
كما لو كنا مش قادرين
نعيش صدقين
لسه الحق مش لاقي
طريق صاحبه
ومتغمي في سكه كلها طين
وايه يعني صروخ يفلت ويعمل فيها شقلبظات
ونستني هينزل أمته يحصدنا
ولا فارق معانا الموت
رسايل جايه من ربك
وكل رساله فيها حاجات
ولا يهمك دا شئ عادي
ولو حتى لقيت الشمس
في غروبها مارجعتشى
وايه يعني هيحصل ايه
ولو خرجت وفى غروبها
بيبان التوبه تقفلها
ولا ينفع جموع الأرض
تشفعلك
وتبقي من شرور الخلق
ولا يهمك دا شئ عادي
مدام الران على قلوبنا
حجر صوان
ومكسبنا بقي فى جوفنا
وكله حرام
انا يبني منش عراف
ولا واحد من الأشراف
ولا فارق بأخلاقي
كتير عنك
انا زيك ويمكن فارق
كمان عنك
انا شايل على كتافي
ذنوب مستوره من ربك
ولو كانت لها ريحه
لاكنت عليهم الاول
لكنى بستر من ربك
بحاول ارسم التوبه
على شباكى واتشعبط
واتمسح بمعرفتي
بكام صالح
ماانا يمكن اكون فاسد
واتصالح مع نفسي
واكون صالح
ماهو صحبك
علي طبعك بيتصالح
وحيد على الجمال
سرس الليان محافظة المنوفية جمهورية مصر العربية
ليست هناك تعليقات:
إرسال تعليق