...................
يوسف الدباك جعجع / لبنان
......................
السادس من أيار هو تاريخ استشهاد ابطال الرأي في وطني لبنان في ساحة شهداء عاصمته بيروت ست الدنيا وفي سوريا ، وبهذه المناسبة اهدي ابناء جلدتي اللبنانيين والأخوة السوريين والعرب هذه القصيدة:
يا أيار يا شهر الشهادي
الاسمك رفعتو بكل النوادي
تفاخر حيث سادس يوم منك
بالتقويم منو يوم عادي
لأنو بهيك يوم انقال عنك
شهدت بعاصمة موطن ريادي
استشهاد بطرسنا المحنك
وأحمد مع علي ومتري وشادي
يا شهر العز ل دستور سنك
شهر التضحية وشهر المبادي
شهر ودهر لولا صار سنك
بتبقى متل زهرة بقلب وادي
يا شهر ل عا المدى ما خاب ظنك
باستشهاد ابطال السيادي
الشعب اللي متل صمصام سنك
وماشي عا نهج هادي وفادي
صرخ يا زمزم اللي شربت منك
تغالط مع دمع جرن العمادي
وانت يا موطن مبين كأنك
صوص ونقطتو عا شوار هادي
لأنك منبت الإرزة لأنك
رح بيخلصك من كل ضيقة
رب الشكها بقمة بلادي
المحامي د٠ يوسف الدباك جعجع / لبنان
ليست هناك تعليقات:
إرسال تعليق