............
محمد عبد النعيم
...............
آه منك يا لساني ..
*************
اللي تعبني سنين
بين الناس
ومخليني دايماً
حزين و بأعاني
إنه اللي جوه قلبي
دايماً على لساني
حاولت كتير أخبي
جوايا وأداري
ينفلت مني لساني
وأنا مش داري
باللي جوه قلبي
..........مداري
ولا قدرت أحوش
قلبي
ولا قدرت أمنع
لساني
وعلى الحال ده
يا صحبي
من يوم نطقت
اللي في قلبي
دايماً على لساني
ولا سَكت
ولا تْغَيرت
ولا قادر بُقْي
يقفل على لساني
أنا خلاص زهِقت
.......وكتير تِعبت
....وكتير بأعاني
........و آه يا ني
.......... يا غُلبي
منك ياقلبي
وآه ياني
............ يا مُري
منك يالساني..
محمد عبد النعيم
٢٠٢٠/٦/٩م
ليست هناك تعليقات:
إرسال تعليق