...............
رمضان عبد الله أحمد
.............
مش عارف
مش عارف ليه انا مش حابك
ولا ليا الرغبه اني اقابلك
وياريتني فعلا ماأشوفك
ومنايا تقول انا مش رايدك
ياريت مااشوفك قدامي
ولاتظهري ليا وعلشاني
ولااشوفك ابدا ف منامي
وبطالبك انك تنساني
ولا عايزك حتى تشوفيني
تعبان وياكي فى سنيني
وكفايه عينيا ودموعها
ولاتستنيش تاني حنيني
بطريقي ياريت ماتصادفيني
وياريتني ف حلمك تنسيني
كفيانا تعذيب لقلوبنا
وياريت تبعدي وتفارقيني
مش حابب كل شئ فيكي
وتعبت كتير ان اراضيكي
وسهرت ياما ف لياليا
كنت أبعت روحي تناديكي
بصراحه جبتي معايا اخري
وياما ندهتي وليكي اجري
نسيتي اللي عملته معاكي
دا انا كنت مديلك عمري
-----------
بقلمي/ رمضان عبد الله أحمد
ليست هناك تعليقات:
إرسال تعليق