.............
مرسي محمد
............
فيروس كورونا
^^^^^^^^^^^^
مش عارف أكتب قصيدة
كورونا دي مش أصيلة
كورونا انثى ولا ذكر
والله هكتب مش هقف
أصله هل علينا بدون سبب
تعابنا وتاعب ذوينا
النفسية في جراب نضارة
والوجه راحت منه النضارة
بحاول أتعامل بخفة
لكن هو أفقدنا حماسنا
وراعب كل شخص فينا
من بعيد تحياتنا وسلامنا
سبقتنا اليابان اللئيمة
هما إزاي عرفوها قبلينا
بدون لمس أو هوا نفسنا
بلا حضن أو قبلة تقربنا
وإن وصلت لحرمان تحتوينا
برضه ممنوع تقرب إلينا
توقرت وإكتئبت في مكاني
كل حاجة حوالينا شغلانا
مين اصيب ومين مات بكورونا
وكل خوفنا من جائحة تعتلينا
والوباء يصتاد اطباءنا
هما جوة بؤرة خطيرة
مهمة علاجنا محاطة بعدوى
حزني ظاهر ومنعني أفكر
مش قادر أكتب ولا أتدبر
يارب إرفع عنا وقوينا
إن كان بلاء أو إبتلاء
وتقبل منا يارب الدعاء
^^^^^^^^^^^^^^^^^^^
تحياتي
مرسي محمد
ليست هناك تعليقات:
إرسال تعليق