ديوان أكاليل الإلكتروني لسفراء القلم

.............

عماد الدين العيطة

******

حروف خجل

أشعار : عماد الدين العيطة

الخيانة .. كتبت نهايتك

طبع فيك ..

ومش هتقدر تغيره

إنت عاديت حتى نفسك

لما لقيت حد عايزك ..

حد حبك .. حد حاطك ..

بين الوفاء .. وكله رجاء

إنك ف يوم تتعلمه

الخيانة ديااا داء

عندك بتجرى ف الوريد

وقلبك حديد ..

ياريته داق .. طعم مرار الخيانة

كان والله فاق .. قبل النهاية

إنت إنتهيت قبل البداية ..

هى دى كل الحكاية ..

إنك حروف .. قتلها خوف البداية

إنت خانة ع الشمال ..

إنت كابوس أو خيال

نقطة سودة وسط الجمال

يمكن صحيح القلب مال

لكن ندم .. ومن الألم ..

بطل ينام .. وبسرعة قال

الحب إحساس مش كلام

وعشان كدة كتب النهاية

أوعدك .. إنت إنتهيت

ومهمها روحت .. وإلاا جيت

مهما عانيت

مش هاأرحم شعورك ..

أوعدك .. أنك ف دورك

والوجع لازم يزورك ..

ولما تندم .. من غرورك

ويجى دورك وتفتكر

إن قلبى عليك صبر

وترجع تانى ف المكان

اللى كان فيه الخيانة

هرجع معاك مش عشان

عطشان حنين ..

مش عشان طالب حنين

أنا بس هاأرجع أعرفك

إن قلبى عليك قدر

لوكنت فاكر إنك جبل

أنا قلبى ماااات ..

وياما قلبى شاف من آهات

ماهو برضه كام مرة إتقل

كاااام ألف مرة يوجعوه

وينزلوه بحر الغرام ..

ويذوقوه مر الألام ..

ويتوهوه .. ومايرجعوه

ولما يرجعلى بنواحه

وبجراحه ..

ويحكيلى ع اللى خانوه

أفكره برحلة حياته ..

وكام ألف مرة إتكسر

على طول يفوق ..

ويبقى ريح فوق الجبل

يهدم جبال .. ألف جبل

إنت ورد خلاص دبل ..

إنت شئ دفنه التراب

وأنا قلبى لسة ف السما

جنب السحاب

ناوى يعيش من غير عذاب

حتى لو هجر البشر ..

... كل البشر .. وإنعزل

إنت شئ خان وكان

كنت الأمان جوه المكان

وقلبى كان للحنان هو البيبان

وإنت هديت المكان

وكل شئ فجأة إتكسر

وقفت جواياا ذهول ..

بسأل وأقول ليه حصل ؟

وسبتنى وسط الزهول ..

من غير .. أمل

والوجع منى ينول .. والخجل

وحروف ملامة ع السطور

كتبت نهايتك