.................
.د/ السيد علي القن
................
......((( أمي يا أغلي الناس ))) ........
أمي يا أغلي وأحلي الناس
قلبك أبيض م الألماس
بعدك عمري ماشفت حنان
كنت الدفا كنت الإحسان
رضعتيني الحب حنان
عمري ما يوم حسيت بالراحه
ولا حسيت ب أطمئنان
غير وأنا قلبي ساكن حضنك
ساكن جوه النني كمان
علمتيني معني القوه
وابقي الزاي زي الفرسان
صاحب كلمه ورأي وموقف
ولا أخون صاحب مهما أن كان
فهمتيني معني النخوه
و الزاي لازم أكون أنسان
علمتيني جبر الخاطر
ويا المسكين و الغلبان
علمتيني ما ردش سائل
وأعطف دايما ع العيان
علمتيني أحب الناس
عرفتيني معني الاخلاص
عيشتيني أجمل إحساس
أمي ياأغلي و أحلي الناس
بعدك ضاع العمر خلاص
و أتفرق بينا الإحساس
أمي يا أغلي شئ ف حياتي
لحظه بحضنك تسوي الدنيا
كنت عيون قلبي ودليله
كنت الدعوه اللي ب تحميه
كنت نجاتي ف كل ازماتي
كنت روح قلبي و حياته
أمي يا أغلي و أحلي الناس
حبك أغلي من الالماس
كلمات الاديب الشاعر .د/ السيد علي القن
ليست هناك تعليقات:
إرسال تعليق