.................
رانيا محجوب
.................
طب ما ارض الله واسعة والخلايق اهم كتير
وانت ما عليك إلا تسعي واللي جاي كله خير
اصل بكره مش بتاعك واللي فات فات خلاص
يبقى ركز في انهارده خاف عليه وإياك يطير
قبل ما تترك أثر او حتى ذكري قبل ماتعيشه بضمير
اصل عمرك سلسلة حلقاتها مجدولة في روحك
ربك كاتبها وحاسبها ورازقك فرحتك قبل جروحك
فانسي الهموم مش راح تدوم ماهو اصله ربك عدل وكبير
قسمتك مقسومة ليك وبكره حتنادي عليك
لوفين تروح او فين تعيش او مين تقابل
والفرحة مش حكر لزمان ولا لمكان
ولا حضن واحده ولا ضل راجل
اختار طريقك وناسك وعيش حياتك للخير سفير
جايز تفارق حبايب او تتظلم او تتهرس غلب ومصايب
بس العوض قادر يداوي وبيجي في الوقت المناسب
رحماته تنزل تسبق قضاه جبار و جابر لوشافك كسير
والنفس لو شالت هموم ماتشيلش الا في وسعها
ده قانون إلهي يطمنك انك حاتقدر وتسوي العجايب
بس انت أصبر مالصبر مفتاح الفرج والصابرين دايما بخير
رانيا محجوب
ليست هناك تعليقات:
إرسال تعليق