.................
محمد سيوفى
....................
( يا صاحبي ليه بعتنى )
يا صاحبي ليه بعتنى
وكانت عشرتى وياك
فى اللقمة قاسمتنى
من غير سبب سبتى
فى طريق مشيته معاك
أنا كنت ضلك في الطريق
وكنت ليك أوفى صديق
كنت ضحكه وقت ضيق
والفرحة ساعة لوقاك
أنا كنت سندك يوم تقوم
وكنت شمسك في الغيوم
كنت ليك شيال هموم
وكنت نجمه في سماك
ليه الأمانه خنتها
والعشره بيننا بعتها
بتفك إيدى من إيديك
وأحلامنا ليه بتهدها
أنا سرى كله قولته ليك
وخيرى كله بين إيديك
وروحى ترخص لو عشانك
كنت اموت م الخوف عليك
الضربه توجع لو قريبه
والصدمه فيك كانت عجيبه
ماكنتش اتخيل ف يوم
الضربه تيجى بإيد حبيبه
كان عندى فيك مليون أمل
بالرخص بعته بدون خجل
لو شمس عمرى يوم تغيب
يبقى رجوعك محتمل
إنسى يا صاحبي مفيش رجوع
لو جايلى زاحف ع الضلوع
اسفك ماعدش يجيب نتيجه
ولو فى عينك بحر الدموع
محمد سيوفى
ليست هناك تعليقات:
إرسال تعليق