.......................
د/ السيد علي القن
.....................
....((( أحنا رايحين فين ))).......
محتاجين نعرف طريقنا
محتاجين نفهم ظروفنا
أو نسأل بعض حتي
كل يوم بيفوت علينا
و الغلا ب يزيد علينا
كنت روحنا ونور عنينا
آيه اللي جري بس لينا
ما أحنا لسه زي ما أحنا
و الفساد بياكل ف قوتنا
محتاجين نرحم ضعيفنا
أو نداوي يوم جروحنا
فينا ناس الجوع دبحها
و أحنا لسه زي ما أحنا
وفينا ناس الخوف ماليها
من قلقها بتأذي روحها
و فينا ناس من شبعها
عايشه في الدنيا لكيفها
و الفساد في كل واد
قنونه حتي في بلادي
و أنت ماضي وانا ماضي
ع اللي حاز الأراضي
وضع يد في كل حته
م الفرافره للبراري
كلها أموال بلادي
مدفونه بأيدين جدودي
والساعه دي كل عادي
نعمل آيه يا ولادي
الضمير نايم في غفله
والحرام هوه اللي بادي
مين يحاسب بس مين
واللي سرق الحلم مين
كنا عايشن مستورين
محتاجين مش محتاجين
والامل فينا سنين
نعلي فوق المطحونين
بس ياخسارة السنين
خلت الأمل حزين
محتاجين الناس تفوق
فين حقوقنا يا اللي فوق
الفقير مخنوق بيبكي
و الأمل مقهور ليلاتي
واللي جاي بكره أسوأ
م اللي فات واللي آتي
أحنا مش حاسين ببعض
سار ما بينا ألف بعد
مين بيتكلم عشانه
و لا حاسس ب ألامنا
قسمونا أهلي وزمالك
واحنا عايشين في المهالك
واللي سالك بس سالك
عمره ما قال يا زمالك
مين شرين يا عم عمرو
ليه شاغلنا بيها ليه
ليه تجيب جوزها يابيه
قصدك أنت بس آيه
تشغل الناس عن همومها
هوه ده الإعلام يا بيه
محتاجين نعلي وننضف
والفساد عنا ويزحف
والخلاص يكون بأيدنا
لما نعرف مصلحتنا
محتاجين نفهم ظروفنا
محتاجين نعرف طريقنا
كلمات الاديب الشاعر.د/ السيد علي القن
ليست هناك تعليقات:
إرسال تعليق