.......................
)عادل عبد الرازق((
.................
علامة إستفهام
*********
بقلمي / عادل عبد الرازق
********************
تحت الليالي مخنوق الملامح
وماشي قلبي مكسور
مهزوم متغرّب عالطرقات
ولا دقينا الأبواب
ولا حلمنا الأحلام
ولا نادىنا الشمس المخوقة ..
ف ضريح الأيام
…
عشقك صعيب ..
وقلبك شوارعه ضلمة وعتمة
وبدون قمر
خايف أخطّيلك خطوة واحدة
يا حبيبتي وانكسر
أصل طريقك زحام وغيام
ورياح ومطر
ولا عارف ده حقيقة
ولاّ غيام وظلام
…
مات القمر
وانا في السفر
تحت المطر
ودعت كل الي كان
من غير ما اسألك
ليه في قلبك يا حبيتي
أنا ماليش مكان
على أخر الشارع الحزين بنفترق ..
والدمع باع عينينا وخان
واقفين على ناصية الدموع ..
وبنفترق من غير كلام
…
عشنا الدمع
عشنا الأحزان
عشنا زمان ..
غير الزمان
وبنفترق أخر الطريق
وانتي وانا ..
غريق بيحضن غريق
بحر الفراق ملح مالح
والقلوب سكنتها الآلام
…
قلبك عطب
والوداع كان من غير سبب
إبتدينا طريق الوداع
والفراق خلاص انكتب
ماعرفش كنت السبب
ولاّ انتي كنتي السبب
ولاّ افترقنا بدون سبب
ولاّ كنا مجرد أوهام
أنا وانتي يا حبيبتي
كنا علامة استفهان
***
)عادل عبد الرازق((
ليست هناك تعليقات:
إرسال تعليق