......................
عبد المنعم حمدى رضوان
..................
هو عيب
هو عيب تبقى لطيف
وتقول كلام حلو وظريف
وتكلم الخلق بمودة
وتبقى على قلوبهم خفيف
اللسان لو قال كلام عجر
يقدر يقول كلام لطيف
الكلام الحلو بلسم وشافي
والوحش خنجر وسيف
عامل الخلق بلطف وادب
ولا لازم تكون سخيف
كلم الناس بهوادة وبلين
وبإدب ليه تكون عنيف
الكلام الحلو والذوق من
حسن الأدب خليك اليف
الكلام الحلو بيهدي النفوس
ليه تكون فظ ومخيف
الكلام الحلو بيسر النفوس
والكلام الشين سخيف
اللسان اللي بيرمي حمم
فيها ايه لو يكون لطيف
الشاعر/ عبد المنعم حمدى رضوان
ليست هناك تعليقات:
إرسال تعليق