..................
إسماعيل البلبوشى
.................
قصيدة بعنوان /أن جيت للحق
أن جيت للحق أنا بهتان
أنا زعلان من ناس كتير
حزين وأسير وببان عادي
زعلان وكمان أنا صاحب حق
زعلان من اللي بكلامه ظلمني
ومن اللي وجعني وقلبي شق
وعلمنى مابقش خالص هادى
أصرخ ف الخلق بصوت عالى
أن جيت للحق أن زعلان
من كل أنسان وقف قصادي
وم الجبان اللي ساكت راضي
وماقالش الحق خاف يعادي
معا أن عارف أتباع الحق أحق
وضاع العمر بقى ماضي
بين ناس مش ناس
عالم أنجاس نسوا أمجادي
دخل بينا شيطان خناس
لعب ف الراس وبقينا أعادي
أن جيت للحق أنا مصدوم
أن غاب الحق فيوم
وأتأكل حق المظلوم
والباطل بقى شئ معلوم
والكدب حل مكانه الصدق
فلازم يتقطع م الحزن فؤادي
أن جيت للحق قربت أطق
قلبي لو رق وحن ودق
لحد باعني وأختار فراقى
راح أقول له لا وألف لا
ولو خسرت كل رفاقى
وبقيت وحيد وزادت أشواقى
أنا فالبعد سعيد وهتزيد أعيادى
أن جيت للحق أنا غضبان
وف الأيام ماشي بزق
أنا زعلان على الود اللي هان
على الرد اللي كان كله أتهام
على ماضي عشته ف أوهام
زرعت ود وحب بالمجان
وحصدت عند وجع وأحزان
وبقي وجودى زي بعادى
وأن جيت للحق أنا بعانى
وكل حاجة فيا وجعانى
ومع بعادى زاد عنادى
ومعدتش محتاج لحد
ولا أيد تتمد تواسي تراضي
أن جيت للحق وصدقنى
أيامي بقيت تسرقني
وتخدني من عك لعك
أنا تولدت وأتولدت معايا أحزانى
أشك نزلت قبل ميلادي
وعشت ف حسد ونق
َوده شى عادي سلو بلادي
فيها ناس تستاهل الحرق
وناس أن جيت للحق
جاين الدنيا عشان الخلق ترازي
كلمات وأشعار إسماعيل البلبوشى
ليست هناك تعليقات:
إرسال تعليق