.................
نجوى رسلان
..................
من على رصيف السيدة الفاضلة (أم نور ) الشهيرة (بأم أحمد ) بجوار أحد مكاتب الماجستير والدكتوراة خطرت لى هذه الخاطرة. بقلم( د/ نجوى رسلان )
وقرب قرب قرب
ومعانا دكتوراة على كل شكل ولون
واحدة بفيونكات وعليها حبة تكّات
تطلبها نقولك هات
وواحدة بالملوخية تأكلها ونقول هنياً
ودكتوراة بالكوسة سهلة كويسة ومدروسة
في منها نوع محشية
وكمان نوع مهروسة
آه وفي نوع بالبهارات
وده تناقشه من سكات
وفي نوع بالمكرونة
غالية لكن مضمونة
وفي منها بالبسبوسة
مراجع أجنبي مخصوصة
ومشرف آخر لذاذة
هيطبطب طبطبة
وكأن معاه بزازة
بس إنت أهم حاجة
تكون آخر لذاذة
تفهم إيه المراد
وما تقولش إزاى وماذا
وسمسار أبحاث شاطر
بقولك آخر شطارة
تحب أديك أمارة
هتلاقى معاه إزازة
، تملاها إنت وشطرتك
شخشخ إيد الإزازة
مبروك عليك يا دوك
وصفة آخر لذاذة ،
بس أرجع تاني وأقولك
ما تقولش إزاى وماذا
وشخشخ الإزازة ،
ما هى يا عم هيصة
وعليها حبة بغاشة
وتعالى قوم وقرب خدلك
واحدة يا هذا
وإعاك فى يوم تسأل
وتقول إزاي وماذا
( من على رصيف الأخت الفاضلة أم أحمد
بقلم د/ نجوى رسلان
بس والله من غير بزازة ده إحنا الجيل اللى كانوا بيكسروا عليه الإزازة 7/9/2020
(مع كل التقدير والاحترام لكل صاحب علم )
ليست هناك تعليقات:
إرسال تعليق