..................
ياسر مهدي عمرو
.................
كان نفسي ابقى بيه
كان نفسي ابقى هاي
زاي الزوات في مصر
واقول بايديا باي
واعصرها في قلبي عصر
أنما فلاح أراري
وماكنتش حتى داري
ولا عندي فكره خاااالص
إني حـ احتاج لقصر
دلوقتي بقول في سري
من وجعي وقهري جاي
دا الجوع في البطن يهري
هنطقها ازاي يا باااااااي
~~~~~~~~
في البندر شفت ناس
لابسين واللبس موضه
وكسوفهم مش اساس
اشحالهم جوه أوضه
فكرت ازاي بلبسي
هـتنكر وابني قصر
دا الاحسن يبقى حبسي
ولا جنة لوم في مصر
وإزاي في الهاي اعيش
بجيوب فاضيه ومافيش
فرحان بالطين في بلدي
والفَرشه إن شاالله خيش
هتفيدني بايه يا باي
القعده ع الكرنيش
مزماز في الغيط وناي
احسن من فرشه ريش
~~~~~~~~
كان نفسي ف مصر تاني
ماتزيذشي من جناني
واياكش أسمي نفسي
تامر او حتى هاني
واطول شعري برضو
وألبس برامودا نص
وامشي في شارع بعرضه
وعليا الناس تبص
لكن ما بيدي حيله
فلاح والشكل نيله
والاسم طخين جعيدي
والنئب كمان بخيله
ودي مصر ياناس و أييييه
فيه نايتي وفيه باتيه
وانا فيا الطين معلم
ازاي هقولوا بيه
خليني في غيطي احسن
والتُريه وجلابيتي
بلاش في العيب ألسْن
دي الحيطه قزاز في بيتي
ياسر مهدي عمرو
ليست هناك تعليقات:
إرسال تعليق